As imaxes falan por si mesmas. As palabras quedan curtas para definir as emocións, os sentimentos, as esperanzas que naceron tras esta xornada histórica para as mulleres no noso país, para a sociedade española no seu conxunto.
Prensa internacional. |
Grazas a tod@s as que formastes parte, porque todo esforzo é pouco para acadar que as nosas reivindicacións se visibilicen, como primeiro paso para a súa consecución.
Pero aínda nos queda moito por facer, empezando por concienciar a esa parte da sociedade que nos mira mal, que non cre nos nosos motivos, que non cre que o feminismo sexa necesario. Están equivocados, moi equivocados. Porque como xa dicía no meu anterior post, o futuro será feminista ou non será. Non podemos seguir evolucionando como sociedade sen dar este paso tan necesario.
FEMINISMO significa LOITAR POLA IGUALDADE ENTRE HOMES E MULLERES.
Se non es machista (pensamento que cre que a muller é inferior ó home) nin feminista (pensamento que cre que mulleres e homes son iguais), como din algúns e algunhas, entón será que cres que as mulleres somos seres superiores ó home, non queda outra (palabras do meu marido).
Entérate ben do significado de FEMINISMO e apoia esta loita que tamén é túa. Para que non che pase como a parte dos nosos políticos e periodistas nesta xornada, e é que despois de días botando lume contra esta loita, contra esta reivindicación, contra esta folga, non lles quedou máis remedio que sumarse para non quedar de imbéciles (xa o dí o himno galego, imbéciles e escuros).
Porque xunt@s podemos cambiar o mundo, porque un mundo sen mulleres non funciona, PORQUE O MUNDO SEN NÓS, PÁRASE.
Feliz día internacional da muller a tod@s.
Mulleres da familia Soto. |
Ningún comentario:
Publicar un comentario